Orde van Advocaten van Aruba

EN | NL | PA
Organisacion

A establece Orden di Abogadonan di Aruba na 1991 y e ta un asociacion di abogadonan cu ta eherce nan profesion na Aruba. Orden di Abogadonan ta un asociacion cu personalidad legal sin autoridad di reglamentacion. Abogadonan no ta obliga di bira miembro di e Orden. Apesar di esey, aproximadamente 80% di abogadonan cu ta traha na Aruba ta miembro. Loke si ta obligatorio pa tur abogado cu ta traha na Aruba y cu kier bira miembro di e Orden ta inscripcion na Corte Comun di Husticia di Antias Hulandes y Aruba.

Meta di e asociacion aki ta di promove administracion di husticia y siguridad huridico na Aruba. E ta traha pa logra esaki di e siguiente maneranan:

  • Duna apoyo y informacion na esnan cu ta of cu kier eherce un profesion riba tereno huridico;
  • Produci publicacionnan;
  • Promove etica y estudio di derecho;
  • Promove interesnan di su miembronan na tur instancia designa pa tal proposito;
  • Promove bon relacion entre su miembronan;
  • Coopera cu otro organisacionnan cu tin metanan similar;

y en general via tur medio legal na su disposicion, eventualmente tambe cu e meta di garantisa un funcionamento adecua di e asociacion y di profesion huridico.